فعلا موضوع مهم اوي

مهم اوي الموضوع ده لاني ابتديت اشك ان خطبه الجمعه واجبه زي الصلاه بالضبط
من كتر اللي باشوفه يوم الجمعه بلاقي المناظرالاتيه
معظم الشباب واقفين في الشارع وقاعدين يتكلموا مع بعض وماسكين السجاجيد في ايديهم
واول ماتخلص الخطبه وتبدا اقامه الصلاه يبدا الشباب يروحوا يصلوا واحيانا كمان يمشوا بالراحه
لحد مالركعه الاولى تعدي .ده غير ان في ناس بيبقوا ساكنين جنب المسجد وبرضوا بينزلوا في نص الصلاه او في اخرها.مع اني والله حضرت خطب جمعه قبل كده( مع انها مش فرض علينا يعني )
بس ماتتصوروش احساسي كان عامل ازاي فعلا عرفت هما ليه سموا يوم الجمعه عيد المسلمين
فياريت فعلا يعرف الشباب ان الخطبه ديه لو مش مهمه ماكنش ربنا فرضها
وربنا يهدي الجميع خصوصا ان في ناس بتنزل صلاه الجمعه بالاجبار والضغط من اهاليها
المهم لوكل واحد بدا بنفسه, المسجد ان شاء الله يتملى بالشباب اللي حينصروا الامه باذن الله.

جزاكى الله خيراً عندك حق والله فى كل اللي قولتيه

وهو دة كان الهدف من الموضوع دة

وإن شاء الله حنبتدى فيه من يوم الجمعة القادمة

ومفيش مانع برضة لو أى أخت من أخواتنا فى المنتدى سمعت درس
فى التليفزيون أو على النت
وتيجى تعمل موضوع تقول
على أسم الدرس وأسم الشيخ أو أسم الداعية
وتقول أنا طلعت من الدرس دة بكذا وكذا
حتى لو بكلمة واحدة
ونتناقش فيها ونستفيد كلنا
كى يعم الخير لينا كلنا ونستفيد كلنا

جزاك الله خيراً دائماً تفيدينا بأفكارك وأضافاتك

_________________

صح يا ميييييرو بس على فكرة مش كتييييييييير اوى كدة لان يوم الجمعة بالذات حتى الى مابيصليش من الصبيان بينزل يصلى

احلى حاااااجة بجد فى اليوم دة ان دة دايما بيبقى فى لامة فى العيلة فى كلة حاجة خصوصا لو اجتمعو على صلى يبقى اجمل حاجة بجد

ايوه انا عارفه ياريم والحمد لله المساجد بتبقى مليانه بس نص اللي فيها

رايحين غصب عنهم او علشان اهاليهم صحوهم ومن هنا بييجي الاستهتار زي ماقولت

انهم يفضلوا يتكلموا في الشارع لحد ما الاذان ياذن وممكن يدخلوا في نص الصلاه كمان.